Ұсынылатын курс: «Аудармашыларға арналған іскери қазақ тілі»
Бағдарламаны әзірлеуші: «Caspian Training Group» оқу орталығының әдіскер-оқытушысы: Сабирова Алима Есенқызы.
Курстың ұзақтығы: 120 сағат
Курстың мақсаты: Курстың мақсаты - мұнай-газ саласында аудармашы қызметінде жүрген аудармашы мамандардың кәсіби біліктілігін жоғарылату, теориялық білім мен практика арасында байланыс орнату, өздері қызмет ететін саланың терминологиясын толық меңгертіп, ресми құжат үлгілері мен іскери хаттарды сауатты жазуға үйрету, кез-келген аударманы қазақ тілінде сауатты аудара білуге үйрету, қазақтың ұлттық мұрасы, салт-дәстүрі, әдет-ғұрпы, жөн-жоралғысы жайында мағлұматтармен таныстыра отырып, курс тыңдаушыларының оқу-танымдық қызметін белсендіру.
Контингент: Тіл байлығы мен рухани байлықты қатар алып жүргісі келетін адамдар, аударма саласында жүрген мамандар.
Курстың өзектілігі: Аударма жұмысының қаншалықты қиын да, жауапты жұмыс екендігі, кәсіби аудармашыларды дайындаудың қажеттілігі.
Оқытудың үлестірме материалдарының тізбесі: Тыңдаушылар сабақтарға қажетті үлестірмелі материалдар және оқу материалдарының көшірмесімен қамтамасыз етіледі.
Білімді бақылау тәртібі: Курс аяқталған кезде әр тыңдаушыға алған білімінің, біліктілігінің меңгеру деңгейлерін көрсететін біліктілігі туралы сертификат беріледі.
